મારાં તહેવારો shama | 29 Aug 2007 02:58 pm
‘રાખી-ફક્ત તારા જ માટે’
આજે ઑફિસથી ઘરે જઈશ ઉમંગે-ઉમંગે,
સજાવીશ ‘રાખી’ની થાળી ઉમંગે-ઉમંગે.
મૂકીશ ચપટી કંકુ ને સાથે ચપટી ચોખા;
કહીશ - આપણે ક્યાં છે અંતરથી નોખાં?
આજે ‘રાખી’,છલકે આંસુ બની પ્રેમ બહેનાનો;
જોઇયે છે પ્રેમ,બાકી મને શોખ ક્યાં છે ગહેનાનો?
રેશમી દોરી છે, પણ ગાંઠ મજબૂત છે;
આપણે દૂર છીએ, પણ સંબંધ સાબૂત છે.
૩ જુન, ૨૦૦૨ - કેનેડા આવતાં પહેલાં -
યાદ છે બાંધી’તી રાખડી,ને ખવડાવી’તી થોડી મિઠાઈ;
કેવી ભરાઈ હતી આંખડી ,ને પછી લીધી’તી વસમી વિદાય.
યાદ કરું તો ઉમટે છે આંખમાં આંસુનો દરિયો,
પણ હવે તો હું જ મુસાફર ને હું જ ખેવૈયો!
જાતે જ ખોબલો ભરું મોતીનો, ને જાતે જ લુછી લઉ મારાં આંસુ,
શી ખબર ‘શમા’, આવતી સાલ ફરી વહાવવા પડે આ આંસુ.
દીપ્તિ પટેલ ‘શમા’,૨૮ ઑગષ્ટ ૨૦૦૭-’રક્ષાબંધન’
on 02 Sep 2007 at 1:40 pm 1.pravinkatariya said …
એક ભાઈ માટેની સાચ્ચી લાગણીઓને સરસ રીતે શબ્દોમાં વર્ણ્વી છે…!!!
ખુબજ સરસ…!!!
on 03 Sep 2007 at 8:33 pm 2.kapil dave said …
વાહ શમા જી
તમારી શબ્દ શક્તિ કાતિલ છે
on 07 Sep 2007 at 3:32 pm 3.chetu said …
એક્દમ હ્રદય સ્પર્શી પંક્તિઓ છે… keep it up..!
on 19 Sep 2007 at 9:12 am 4.aaditya said …
you write really a great.
i like your poem.
i read ur poem and such very nice that…………….