મારાં હાઈકુ shama | 11 Sep 2007 08:31 pm
હાઈકુ – ૩
સમય સરે;
રેશમી રેતી સમો,
વેડફવો ના.
વૃંદાવન છે
દિલ મારું, તું કાનો
કામણગારો!
શબ્દપ્રવાહ-
લાગણીને કિનારે,
ધસમસતો !
રચ્યું જેને મેં
‘હાઈકુ’ કહી,મારે
હૈયે વળગ્યું !
કવિ રમતા
શબ્દોની રમતે,હું
જોઈ રહેતી!
ટવીન ટાવર્સ,
ઘૃણાસ્પદ ઘટના,
માનવતા ક્યાં?
હજારો મરે;
હું જિંદગી જીવું છું,
લાચારપણે !
દીપ્તિ પટેલ ‘શમા’, ૧૧મી સપ્ટેમ્બર , ૨૦૦૭
on 11 Sep 2007 at 8:39 pm 1.સુરેશ જાની said …
સમય સરે;
રેશમી રેતી સમો,
વેડફવો ના.
મારો જીવન સંદેશ – આ પળમાં જીવો, એ પાછી નહીં આવે.
હજારો મરે;
હું જિંદગી જીવું છું,
લાચારપણે !
આ પણ બહુ જ ગમ્યું.લાચાર બની જીવવું એ કાંઈ જીવવું છે?